काठमाडौं। मुक्तिनाथ विकास बैंक लिमिटेडले स्वास्थ्य सेवा, स्वच्छ खानेपानी र सामुदायिक कल्याणमा सहयोग पु¥याउने उद्देश्यले आवश्यक सामग्री हस्तान्तरण गरेको छ ।
संस्थागत सामाजिक उत्तरदायित्वअन्तर्गत बैंकले सामाजिक तथा सरकारी अस्पताल, स्वास्थ्य चौकी तथा स्थानीय तहमार्फत २६ वटा व्हीलचेयर उपलब्ध गराएको हो। जसअन्तर्गत सल्यान जिल्ला अस्पताललाई १० थान, त्रिवेणी गाउँपालिका–स्थित त्रिवेणी स्वास्थ्य चौकीलाई ३ थान, मोरङको रंगेली अस्पताललाई १० थान र रुपन्देहीको ओमसतिया गाउँपालिका–१ नं. वडा कार्यालयमार्फत ३ थान व्हीलचेयर हस्तान्तरण गरिएको जनाएको छ । यस सहयोगले आवश्यक असक्त नागरिकलाई सहजता प्रदान गर्ने बैंकको अपेक्षा छ ।
त्यसैगरी, बैंकले पथरी नगर अस्पताल, पथरीलाई ३–सिटे कुर्सी ४ थान, मदन भण्डारी अस्पताल तथा ट्रमा सेन्टरलाई ३ वटा विद्युतीय पानी डिस्पेन्सर तथा सल्यानस्थित श्री जनकल्याण आधारभूत विद्यालयलाई ४ वटा वाटर प्युरिफायर हस्तान्तरण गरेको बैंकका प्रमुख सूचना अधिकारी तिल बहादुर गुरुङ्गले जानकारी दिए ।
बैंकका प्रमुख सूचना अधिकारी गुरुङका अनुसार बैंकले सेवा विस्तारसँगै सामाजिक उत्तरदायित्वका गतिविधिलाई पनि प्राथमिकताका साथ अघि बढाउँदै आएको छ।
प्रतिक्रिया दिनुहोस्