काठमाडौं । कुमारी बैंक लिमिटेडले जीवित देवी कुमारी तृष्णा शाक्य (निवर्तमान) लाई छात्रवृत्ति रकम प्रदान गरेको छ ।
बैंकले प्रत्येक वर्ष बसन्तपुरकी जीवित देवी कुमारीको शैक्षिक प्रयोजनका लागि छात्रवृति दिँदै आएको छ । उनकै कार्यकाल सुरु भएको वर्षदेखि एक लाख रुपैयाँको छात्रवृत्ति कोष खडा गरि बैंकले रकम जम्मा गराउँदै आएको छ ।
यस छात्रवृत्तिको उद्देश्य कुमारीको कार्यकाल समाप्ति पश्चात् उनको आगामी शैक्षिक यात्रामा सहयोग पु¥याउनु रहेको बैंकले जनाएको हो ।
सोही कार्यलाई निरन्तरता दिँदै बैंकले सो कोषमा जम्मा भएको कुल ७ लाख ३८ हजार ८११.९५ रुपैयाँ निवर्तमान कुमारी तृष्णा शाक्यलाई शैक्षिक छात्रवृत्तिका रूपमा एक कार्यक्रमका बीच हस्तान्तरण गरेको हो ।
बैंकले आगामी दिनमा समेत यस्ता सामाजिक कार्यक्रमहरूलाई अझ सशक्त रूपमा अघि बढाउने प्रतिबद्धता जनाएको छ ।
प्रतिक्रिया दिनुहोस्