शेयर बजारमा दोहोरो अंकको गिरावट,२५९६ विन्दुमा सूचक

 काठमाडाैं। साताको अन्तिम कारोबार दिन बिहीबार शेयर बजारमा दोहोरो अंकको गिरावट आएको छ । यो दिन नेप्से परिसूचक ११.२९ अंकले घटेर २ हजार पाँच सय ९६.१२ विन्दुमा आइपुगेको छ । नेप्से सूचक घटे पनि कारोबार रकम अघिल्लो दिनको तुलनामा सामान्यले बढेको छ ।

कारोबारमा आएका ३२० कम्पनीको १ करोड ८ लाख ६८ हजार कित्ता शेयर किनबेचहुँदा ५ अर्ब ४१ करोड ६९ लाख रुपैयाँको कारोबार भएको छ । यो दिन सर्वाधिक कारोबार हुने कम्पनीमा शिवम् सिमेन्ट, राधि विद्युत कम्पनी, हिमालयन डिस्टिलरी,एनआरएन इन्फाष्ट्रचर एण्ड डेभलपमेन्ट, युनियन हाइड्रो पावर कम्पनीको शेयर मूल्य १९ करोड ५२ लाख रुपैयाँदेखि ३० करोड ९१ लाख रुपैयाँसम्मको कारोबार भएको छ ।
घटेको बजारमा दरमखोला हाइड्रो इनर्जी, मबिलिङ इनर्जी लिमिटेड,उपकार लघुवित्त वित्तीय संस्था, उन्नती सहकार्य लघुवित्त वित्तीय संस्था,मानुषि लघुवित्त वित्तीय संस्थाको शेयर मूल्य ७.९७ प्रतिशतदेखि १० प्रतिशतसम्मले बढेर सकारात्मक सर्किट लागेको छ ।

घटेको बजारमा सम्पदा लघुवित्त वित्तीय संस्था, पिपुल्स पावर, मोदी इनर्जी लिमिटेड, एनआईबीएल स्टेबल फण्ड र इष्ट्रन हाइड्रो पावर कम्पनीको २.९८ प्रतिशतदेखि १० प्रतिशतसम्मले घटेको छ ।

 

 

प्रतिक्रिया दिनुहोस्