काठमाडौं । बागमती नदी किनाराको गुह्यश्वरी–गोकर्णेश्वर मन्दिर खण्डमा अलपत्र अवस्थामा रहेका सवारी साधन हटाउन सुरु गरिएको छ । गोकर्णेश्वर नगरपालिका–५ जम्मुडाँडास्थित प्रहरी चौकी नजिक रहेका सवारी साधनलाई मंगलबार हटाइएको छ ।
ऊर्जा, जलस्रोत तथा सिँचाइ, भौतिक पूर्वाधार तथा यातायात र शहरी विकास मन्त्री कुलमान घिसिङले शनिबार बागमती नदी करिडोर क्षेत्रको स्थलगत निरीक्षण गरी नदीलाई सफा राख्न किनारमा राखिएका बेवारिसे सवारी साधन तत्काल हटाउन र ढल व्यवस्थापन गर्न निर्देशन दिएका थिए ।
जम्बुडाँडामा करिब १२० मिटर जाम हुँदा ढल बागमती नदीमा सिधै मिसिएको छ। ढल फुटेका कारण सडकमा पनि क्षति पुगेको छ। सवारी हटाउन सुरु गरिएसँगै ढल मर्मत पनि सुरु भएको हो । गुह्यश्वरीबाट माथिल्लो तटीय क्षेत्रमा नदीमा थ्रुपिएको बालुवा तथा फोहोर पनि हटाइने भएको छ ।
यसका लागि अधिकार सम्पन्न बागमती सभ्यता एकीकृत विकास समितिले आवश्यक तयारी गरिरहेको जनाएको छ ।
प्रतिक्रिया दिनुहोस्