काठमाडौं । कामना सेवा विकास बैंकले नेपाल बार एशोसिएशनलाई कम्प्युटर हस्तान्तरण गरेको छ ।
जेनजी आन्दोलनका क्रममा भएको तोडफोड तथा आगजनीको घटनाबाट नेपाल बार एशोसिएशनको भवन, भवन परिसरमा क्षति भएको थियो । उक्त क्षतिलाई मध्यनजर गर्दै बैंकका कानुन विभागका प्रमुख तथा अधिवक्ता डण्डापानी भट्टराईले नेपाल बार एशोसिएशनका अध्यक्ष वरिष्ठ अधिवक्ता प्रा. डा. विजयप्रसाद मिश्रलाई आज कम्प्युटर हस्तान्तरण गरेका हुन् ।
सो अवसरमा अध्यक्ष प्रा. डा. मिश्रले बैंकले गरेको सहयोगले एशोसिएशनमा काम गर्नको लागि महत्वपुर्ण सहायता प्रदान गर्ने विश्वास व्यक्त गरे । यस्तै, अधिवक्ता भट्टराईले नेपाल बार एशोसिएशनको समन्वयमा समुन्नत समाज विकासको लागि सहयोग गर्दै हातेमालो गर्न पाएकोमा खुशी व्यक्त गरे । उक्त अवसरमा बैंकका सिएसआर विभाग प्रमुख सुशिल पौडेल, बार एशोसिएशनका महासचिव वरिष्ठ अधिवक्ता केदार प्रसाद कोइराला लगायतका व्यक्तित्वहरु सहभागी थिए ।
प्रतिक्रिया दिनुहोस्