काठमाडौं । एनआईसी एशिया बैंकका नवनियुक्त अध्यक्ष अशोककुमार अग्रवालले पद तथा गोपनियताको शपथ लिएका छन् । अध्यक्ष अग्रवाललाई नेपाल राष्ट्र बैंकका गर्भनर प्रा.डा. विश्वनाथ पौडेलले आज पद तथा गोपनियताको शपथ खुवाएका हुन्।
पुस ९ गते बसेको बैंकको सञ्चालक समितिको बैठकले अग्रवाललाई आजकै मितिदेखि लागू हुने गरी अध्यक्षमा नियुक्त गरेको थियो । बैंक तथा वित्तीय क्षेत्र, बीमा, कर्पोरेट क्षेत्रमा लामो समयदेखि कार्य गरेका अनुभवी अग्रवाल उच्च नेतृत्वदायी क्षमता भएका व्यक्ति मानिन्छन् ।
दूरदृष्टि र स्पष्ट रणनीतिका साथ दीर्घकालीन योजनामा विश्वास राख्ने अग्रवालको कार्यकालमा बैंकले महत्वपूर्ण उपलब्धिहरू हासिल गर्ने तथा संस्थालाई प्रतिष्ठाको नयाँ शिखरमा लैजाने विश्वास बैंकले व्यक्त गरेको छ।
प्रतिक्रिया दिनुहोस्