काठमाडौं । लुम्बिनी विकास बैंक लिमिटेडको १८औँ वार्षिक साधारण सभा मिति २०८२ साल पौष ३० गते बुधबार सम्पन्न भएको छ ।
साधारण सभाले आर्थिक वर्ष २०८२-८३ को वार्षिक प्रतिवेदन पारित गर्नुका साथै सोही आर्थिक वर्षका लागि लेखापरीक्षकको नियुक्ति तथा पारिश्रमिक निर्धारणसम्बन्धी प्रस्तावहरू अनुमोदन गरेको छ ।
बैंकका सञ्चालक समितिका अध्यक्ष चिन्तामणी भट्टराईको अध्यक्षतामा सम्पन्न सभामा सहभागी शेयरधनीहरूले वार्षिक प्रतिवेदनमाथि राखेका जिज्ञासाहरूको अध्यक्ष भट्टराई तथा बैंकका प्रमुख कार्यकारी अधिकृत नरेश सिंह बोहराले स्पष्टिकरण दिएका थिए ।
हाल लुम्बिनी विकास बैंक लिमिटेडले देशका सातै प्रदेशमा शाखा सञ्जाल विस्तार गर्दै कारोबार सञ्चालन गरिरहेको छ । बैंकले विभिन्न स्थानमा ८९ वटा शाखा कार्यालय तथा एक विस्तारित शाखा (एक्सटेन्सन काउन्टर) मार्फत आफ्ना सेवाहरू प्रदान गर्दै आएको छ ।
‘निरन्तर सहयात्रा’ भन्ने मूल नाराका साथ लुम्बिनी विकास बैंकले आधुनिक, सुरक्षित तथा नविनतम प्रविधिमा आधारित बैंकिङ सेवा उपलब्ध गराउँदै आएको जनाएको छ ।
प्रतिक्रिया दिनुहोस्