काठमाडौं । जेनजी सरकारका सञ्चार तथा सूचना प्रविधिमन्त्री मन्त्री जगदीश खरेलले पनि पदबाट राजीनामा दिएका छन् । फागनु २१ गते हुने प्रतिनिधिसभा निर्वाचनमा उम्मेद्वारी दिन मन्त्री खरेलले राजीनामा दिएका हुन् ।
राजीनामा दिएसँगै खरेलले आफूले सरकारमा गएको चार महिने कार्यकालमा निष्पक्ष, पारदर्शिता र राष्ट्रिय हितका आधारमा मन्त्रालयको जिम्मेवारी पूरा गरेको बताएका छन् ।
मन्त्री खरेल राष्ट्रिय स्वतन्त्र पार्टी (रास्वपा) बाट ललितपुर क्षेत्र नम्बर –२ को उम्मेदवार बन्ने तयारीमा रहेको बुझिएको छ । यसअघि आइतबार मात्रै खेलकुदमन्त्री बब्लु गुप्ताले पदबाट राजीनामा दिएर रास्वपामा प्रवेश गरेका थिए ।
यससँगै प्रधानमन्त्री सुशीला कार्की नेतृत्वको मन्त्रिपरिषद्को आकार १२ सदस्यीय बनेको छ। 
प्रतिक्रिया दिनुहोस्