काठमाडौं । स्थानीय बजारमा आज सुनचाँदीको मूल्य बढेको छ । नेपाल सुनचाँदी व्यवसायी महासंघका अनुसार आज सुन प्रतितोला तीन लाख चार हजार ७०० रुपैयाँ तोकिएको छ।
अघिल्लो कारोबार दिन (बुधबार) त्यतिनै परिमाणको सुन तीन लाख ४०० रुपैयाँमा कारोबार भएको थियो । हिजोको तुलनामा आज सुन तोलामा ४३ सय रुपैयाँल बढेको हो।
यस्तै, आज चाँदीको मूल्य पनि उकालो लागेको छ। महासंघका अनुसार आज एक तोला चाँदी खरिद गर्न उपभोक्ताले पाँच हजार ६० रुपैयाँ तिर्नुपर्नेछ । हिजो चार हजार ८८० रुपैयाँ कारोबार मूल्य तय भएको चाँदीको भाउ आज १८० रुपैयाँले वृद्धि भएको हो।
अन्तर्राष्ट्रिय बजारमा आज सुन प्रतिऔंस चार हजार नौ सय ८७ अमेरिकी डलरमा कारोबार भइरहेको छ।
प्रतिक्रिया दिनुहोस्