काठमाडौं। टायल उद्योगमा विश्वव्यापी रूपमा परिचित अग्रणी ब्रान्ड कजारियाले विभिन्न प्रतिष्ठित अन्तर्राष्ट्रिय मान्यता र उपलब्धिमार्फत आफ्नो उत्कृष्टताको विरासतलाई अझ सुदृढ बनाएको जनाएको छ।
कम्पनीका अनुसार प्राविधिक नवप्रवर्तन, ठूलो उत्पादन क्षमता र सशक्त अन्तर्राष्ट्रिय पहुँचका आधारमा कजारियाले आफूलाई विश्वस्तरीय ब्रान्डका रूपमा स्थापित गरेको छ। कजारियाले लगातार १४ वर्षसम्म ‘सुपरब्रान्ड’ उपाधि प्राप्त गरेको छ, जसले उपभोक्ताको विश्वास, स्थिरता र बजार नेतृत्वलाई प्रतिबिम्बित गर्ने कम्पनीको दाबी छ।
यसका साथै, कम्पनी ‘एशियाको सबैभन्दा आशाजनक ब्रान्ड’ को रूपमा पनि सम्मानित भएको जनाएको छ। कजारिया विश्वका आठौँ ठूला टायल उत्पादक कम्पनीहरूमध्ये एकका रूपमा चिनिएको छ, जसले यसको विश्वव्यापी उपस्थिति र उत्पादन क्षमतालाई पुष्टि गर्दछ।
गुणस्तरप्रतिको प्रतिबद्धता अनुरूप कम्पनीले ISO 9001:2015 प्रमाणीकरण प्राप्त गरेको छ भने ISO 14001:2015 प्रमाणीकरणमार्फत वातावरणीय जिम्मेवारी र दिगोपनप्रतिको प्रतिबद्धता समेत देखाएको छ। साथै, कजारिया भारतीय हरित भवन परिषद् (IGBC) को सदस्य रहेको छ।
हालै कम्पनीले ‘NS Quality Award 2026’ समेत प्राप्त गरेको जनाएको छ, जसले राष्ट्रिय तथा अन्तर्राष्ट्रिय मापदण्डहरूको पालना गर्ने यसको प्रतिबद्धतालाई थप पुष्टि गर्ने कम्पनीको भनाइ छ।
नेपालमा कजारियाले रमेश कर्पसँगको सहकार्यमा टायल उत्पादन उद्योग सञ्चालन गर्दै आएको छ, जसको वार्षिक उत्पादन क्षमता ५.२ मिलियन वर्ग मिटर रहेको छ। कम्पनीका अनुसार यसले देशको औद्योगिक आत्मनिर्भरता अभिवृद्धिमा योगदान पुर्याइरहेको छ। अत्याधुनिक प्रविधिबाट सुसज्जित कजारियाको कुल वार्षिक उत्पादन क्षमता ८१.५५ मिलियन वर्ग मिटर पुगेको छ।
कजारिया रमेश टाइल्स लिमिटेडका निर्देशक हिमांशु अग्रवालले कम्पनीको यात्रा उत्कृष्टता, नवप्रवर्तन र विश्वासप्रतिको प्रतिबद्धताबाट प्रेरित रहेको बताए।
“यी मान्यताहरूले हामीले विश्वव्यापी रूपमा विस्तार हुँदै जाँदा हाम्रो प्रतिबद्धतालाई अझ सुदृढ बनाउँछन्,” उनले भने।हाल कजारियाले नेपालभर १०० भन्दा बढी शोरूममार्फत आफ्ना उत्पादनहरू विस्तार गरिसकेको छ। कम्पनीले ३,००० भन्दा बढी डिजाइनमा ग्लेज्ड भिट्रिफाइड टायल, हेभी ड्युटी टायल तथा सेरामिक वाल टायल उपलब्ध गराउँदै आएको छ।
प्रतिक्रिया दिनुहोस्