काठमाडौं । नेपाली बजारमा आज सुन–चाँदीको मूल्यमा उल्लेख्य गिरावट आएको छ।
नेपाल सुनचाँदी व्यवसायी महासंघका अनुसार आज सुन प्रतितोला दुई लाख ८५ हजार रूपैयाँमा किनबेच भइरहेको छ। बुधबार तोलामा एक हजार रूपैयाँले घटेको सुन बिहीबार ५५ सय रुपैयाँले सस्तिएको हो । बुधबार सुन प्रतितोला दुई लाख ९० हजार पाँच सय रूपैयाँमा खरिदबिक्री भएको थियो।
यस्तै, बिहीबार चाँदीको मूल्य पनि दुई सय १५ रूपैयाँले घटेको छ। बुधबार प्रतितोला पाँच हजार ८० रूपैयाँ कायम भएको मूल्य आज तोलामा चार हजार ८६५ रूपैयाँमा किनबेच भइरहेको छ।
अन्तर्राष्ट्रिय बजारमा आज सुन प्रतिऔंस चार हजार तीन सय ७३ अमेरिकी डलरमा कारोबार भइरहेको छ।
प्रतिक्रिया दिनुहोस्