काठमाडौं । सरकारले स्वास्थ्य जोखिम न्यूनीकरण र राजस्व वृद्धिको दोहोरो उद्देश्यसहित आगामी आर्थिक वर्षका लागि चुरोट तथा मदिराजन्य पदार्थमा कर वृद्धि गर्ने घोषणा गरेको छ।
अर्थमन्त्री डा. स्वर्णिम वाग्लेले आज संसद्को संयुक्त सदनमा आगामी आर्थिक वर्ष २०८३/८४ को बजेट प्रस्तुत गर्दै हानिकारक वस्तुहरूको उपभोग निरुत्साहित गर्न करका दरहरूमा परिमार्जन गरिएको जानकारी दिए ।
नयाँ बजेट वक्तव्यअनुसार चुरोटको करमा १० प्रतिशत वृद्धि गरिएको छ। यस्तै मदिराजन्य पदार्थमा पनि करको दर बढाइएको अर्थमन्त्री वाग्लेले बताउनुभयो। कर वृद्धिको विस्तृत र विस्तृत दररेट भने आर्थिक विधेयकमार्फत सार्वजनिक गरिने सरकारले जनाएको छ।
बजेट भाषणका क्रममा अर्थमन्त्री वाग्लेले भने, ‘धूमपान तथा मदिरा सेवनबाट हुने स्वास्थ्य जोखिम, दीर्घरोग र सामाजिक असर न्यूनीकरण गर्न सरकारले यो नीति अपनाएको हो। यसरी वृद्धि गरिएको करबाट संकलित राजस्वलाई मुलुकको स्वास्थ्य सेवा सुधार, रोग रोकथाम कार्यक्रम र सामाजिक क्षेत्रको समग्र विकासमा परिचालन गरिनेछ।’
प्रतिक्रिया दिनुहोस्