काठमाडौं । सरकारविरुद्ध काठमाडौंस्थित माइतीघरमा प्रदर्शनमा उत्रिएका केही ‘जेनजी’लाई प्रहरीले नियन्त्रणमा लिएको छ।
सोमबार प्रदर्शनमा उत्रिएका जेनजी अगुवासमेतलाई प्रहरीले आज नियन्त्रणमा लिएको हो। जसमा मिराज ढुंगाना, रविकिरण हमाललगायत रहेका छन् । उनीहरूलाई प्रहरीले गाडीमा राखेको छ । जेनजी अगुवा मिराज ढुंगानालगायतको टोलीले आजदेखि माइतीघरमा आन्दोलनको घोषणा गरेको थियो । तर, प्रशासनले अनुमति दिएको छैन्। प्रशासनले अनुमति नदिए पनि अघि बढ्न खोजेका ढुंगानासहितका जेनजी अभियान्तालाई प्रहरीले रोकेको हो ।
मिराज, निकोलस भुसाललगायत जेनजीलाई प्रहरीले केहीबेर अघि पनि नियन्त्रणमा लिएर लैजान खोज्दा भीडले नाराबाजी गरेपछि उनीहरूलाई तत्कालै छाडेको थियो । अहिले पुनः उनीहरूलाई नियन्त्रणमा लिइएको हो । प्रदर्शनमा सहभागीहरूले सर्वपक्षीय सरकार गठन गरेपछि मात्रै चुनाव हुनुपर्ने माग गरेका छन् ।
तस्बिर : नेपाल न्यूज बैंक
प्रतिक्रिया दिनुहोस्