काठमाडौं । टिम भेञ्चर्स लिमिटेडले प्राथमिक सेयर (आईपीओ) निष्काशन गर्ने भएको छ । उक्त प्रक्रिया अघि बढाउँदै कम्पनीले सिद्धार्थ क्यापिटल लिमिटेडलाई निष्काशन तथा बिक्री प्रबन्धक नियुक्त गरेको छ।
कम्पनीले सर्वसाधारणका लागि कुल २५ लाख १८ हजार कित्ता शेयर सनष्काशन गर्ने तयारी गरेको जनाएको छ । सोमबार काठमाडौंको नक्सालस्थित सिद्धार्थ क्यापिटलको कार्यालयमा आईपीओ निष्काशनसम्बन्धी भएको दुईपक्षीय सम्झौतामा टिम भेञ्चर्स लिमिटेडका अध्यक्ष केसाङ श्रेष्ठ र सिद्धार्थ क्यापिटल लिमिटेडका प्रमुख कार्यकारी अधिकृत सन्दीप कार्कीले हस्ताक्षर गरे।
विसं २०७३ सालमा स्थापना भएको टिम भेञ्चर्स लिमिटेडको कम्पनीको हाल चुक्ता पूँजी १ अर्ब रुपैयाँ रहेको छ। टिम भेञ्चर्सले हाल ऊर्जा (हाइड्रोपावर, सोलार), उत्पादन (माछा दाना, टीएमटी, प्रि–इन्जिनियर्ड बिल्डिङ, स्टिल), कृषि–पूर्वाधार तथा प्रविधि क्षेत्रमा लगानी गरिरहेको जनाएको छ।
प्रतिक्रिया दिनुहोस्