काठमाडौं। नबिल बैंकले लगानी कर्तालाई १२.५० प्रतिशत नगद लाभांश दिने भएको छ । मंसिर १९ गते (शुक्रबार) बसेको बैंक सञ्चालक समितिको बैठकले आर्थिक वर्ष २०८१/८२ का लागि वितरणयोग्य मुनाफाबाट लगानीकर्तालाई चुक्तापुँजीको १२.५० प्रतिशत नगद लाभांश (करसहित) दिने निर्णय गरेको हो।
अहिले बैंकको चुक्ता पुँजी २७ अर्ब पाँच करोड रुपैयाँ रहेको छ।
प्रस्तावित लाभांश नेपाल राष्ट्र बैंकले स्वीकृत गरेसँगै आगामी वार्षिक साधारणसभाबाट अनुमोदन भएपछि शेयरधनीहरूलाई वितरण गरिने बैंकले जनाएको छ।
प्रतिक्रिया दिनुहोस्