काठमाडौं । नेपाल बैंक लिमिटेडले सिस्टम अपग्रेडेसनका कारण आफ्ना सम्पूर्ण बैंकिङ सेवा केही समयका लागि बन्द हुने जनाएको छ ।
बैंकले जारी गरेको सूचनाअनुसार आज (शुक्रबार) देखि शनिबारसम्म सिस्टम अपग्रेडेसनको कार्य गरिने भएकोले राति ११ बजेदेखि शनिबार बिहान ९ः ४५ बजे सम्म सेवा बन्द हुने छ । सिस्टम अपग्रेडेसनको कार्य सम्पन्न गर्न लाग्ने करिब ११ घण्टा समयावधिमा डिजिटल कारोबार देखि कार्ड प्रयोगलगायतका सम्पूर्ण बैंकिङ सेवाहरू अवरुद्ध हुने जनाइएको छ।
बैंकले सिस्टम अपग्रेडेसनका क्रममा ग्राहकहरूलाई पर्न सक्ने असुविधाप्रति क्षमा माग्दै आवश्यक कारोबार समयमै व्यवस्थापन गर्न समेत आग्रह गरेको छ ।
नेपाल बैंकले सेवा गुणस्तर सुधार तथा सुरक्षित र प्रभावकारी बैंकिङ प्रणाली सञ्चालनका लागि समय–समयमा प्रणाली स्तरोन्नति गर्दै आएको सूचनामार्फत जनाएको छ ।
प्रतिक्रिया दिनुहोस्