काठमाडौं । सन नेपाल लाइफ इन्स्योरेन्स कम्पनीको आठौँ तथा नवौँ वार्षिक सााधारण सभा सम्पन्न भएको छ । शुक्रबार कम्पनी संचालक समितिका अध्यक्ष अनुज क्यालको अध्यक्षतामा काठमाडौंस्थित कालिकास्थानमा सम्पन्न सभाले आर्थिक वर्ष २०८०/८१ तथा आर्थिक वर्ष २०८१/८२ को वार्षिक प्रतिवेदन, लेखापरिक्षकको प्रतिवेदन सहितको आर्थिक पािरत गरेको छ ।
साथै, आव २०८०/८१ तथा आर्थिक वर्ष २०८१/८२ एनएफआरएस बमोजिमको वासलात, नाफा नोक्सान हिसाब, इक्विटीमा भएको परिवर्तन तथा नगद प्रवाह विवरण र सो सँग सम्बन्धित अनुसूचिहरु सहितको वित्तिय विवरण प्रतिवेदन समेत पारित गरिएको कम्पनीले जनाएको छ ।
उक्त सभाले लेखापरिक्षकको नियुक्ति गर्ने, कम्पनीको आर्थिक वर्ष २०८१/८२ को वितरणयोग्य मुनाफाबाट हाल कायम रहेको चुक्ता पूँजी पाँच अर्ब तीन करोड बाह्र लाख बत्तीस हजार रुपैयाँको ५ प्रतिशत बोनस शेयर तथा १५.२६३२ प्रतिशत नगद लाभांश (बोनस शेयरको कर प्रयोजनार्थ सहित) शेयरधनिहरुलाई कुल २०.२६३२ प्रतिशत लाभांश प्रदान गर्ने प्रस्ताव अनुमोदन गरेको छ ।
प्रतिक्रिया दिनुहोस्