धनगढी । किसान बहुउदेश्यीय सहकारी संस्थाका शेयर सदस्यहरुले धनगढीस्थित निसर्ग हस्पिटलमा उपचार सेवामा छुट पाउने भएका छन् ।
सहकारीले आफ्ना शेयर सदस्यलाई उपचार सेवा २० प्रतिशतसम्म हुने गरि नसर्ग हस्पिटलसँग मंगलबार सम्झौता गरेको छ । सम्झौता पत्रमा निसर्ग हस्पिटलका कार्यकारी अध्यक्ष तीर्थराज पन्त र किसान बहुउदेश्यीय सहकारी संस्था लिमिटेडका महाप्रबन्धक डम्बर बहादुर शाहले हस्ताक्षर गरे ।
सहकारीका विभागिय प्रमुख दिपक ढुङ्गानाका अनुसार शेयर सदस्यले जर्नल बेड हस्पिटल भर्नामा १५ प्रतिशत, क्याविन भर्नामा १० प्रतिशत, आईसियु वेडमा १२.५ प्रतिशत, एनआईसियु वेडमा १२.५ प्रतिशत छुट उपलब्ध हुने बताए । त्यस्तै, जनरल, सर्जरी, अर्थाेपेडिक, गाइनोलोजीमा १० प्रतिशत, ल्याप्रोसकोपी अप्रेशनमा १० प्रतिशत, पेथोलोजी सेवामा २० प्रतिशत, भिडियो एक्सरे, एक्सरे, ईसिजी ईसिएचओ, टिएमटी, ईन्डोस्कोपीमा १० र औषधि खरिदमा ५ प्रशिशत छुट पाउनेछन् ।
सहकारीले आफ्ना बिरामी शेयर सदस्यलाई उपचारको लागि पठाउने र यसरी उपचारका लागि आउने बिरामी संस्थाको शेयर सदस्य रहेको हुनुपर्ने सम्झौतामा उल्लेख छ । सो अवसरमा सहकारीका महाप्रबन्धक शाहले सहकारीले शेयर सदस्यहरुलाई जन्मदेखि मृत्युसम्मका सेवा दिइरहेको बताउँदै उपचारमा पनि सहजता ल्याउन निसर्गसँग सम्झौता गरिएको प्रस्ट पारे ।
हाल संस्थाले किसान–कोप वित्तिय सेवा, किसान–कोप एग्रो सेवा र किसान–कोप मार्ट गरी ३ वटा व्यवसायीक सेवाहरु उपलब्ध गराउँदै आएको छ । संस्थाको कूल कारोबार ७ अर्ब २० करोडको पुगेको छ।
प्रतिक्रिया दिनुहोस्