काठमाडौं । एशियन लाईफ इन्स्योरेन्सको अठारौं वार्षिक साधारण सभा सम्पन्न भएको छ । बाराको सिमरास्थित एक होटलमा सोमबार सम्पन्न वार्षिक साधारण सभामा संचालक समितिको तर्फबाट अध्यक्ष दिपक कुमार श्रेष्ठले पेश गरेको आ.व.२०८१/०८२ को वार्षिक प्रतिवेदन अनुमोदन भएको छ ।
यस्तै सभाले आर्थिक वर्ष २०८१/०८२ सम्मको संचित नाफाबाट कम्पनीको चुक्ता पुँजीको १०.५२६३ प्रतिशत (५ प्रतिशत बोनश शेयर समेत) लाभांश वितरण गर्ने प्रस्ताव सर्वसम्मतले पारित गरेको छ । आव. २०८१/०८२ का लागि चुक्ता पुँजीको ५ प्रतिशतले हुन आउने २५ करोड ५७ हजार ९६० रुपैँया रकम बराबरको बोनस शेयर र ५.५२६३ प्रतिशत (लाभांशमा लाग्ने कर समेत) ले हुन आउने २७ करोड ६३ लाख ७९ हजार ८२५ रुपैयाँ) नगद लाभांश वितरण गर्ने प्रस्ताव सभाले पारित गरेको हो ।
यसैगरी आर्थिक वर्ष.२०८१/८२ (एनएफआरएस बमोजिम) आषाढ मसान्तसम्मको वासलात,नाफा÷नोक्सान हिसाब, सोही अवधिको नगद प्रवाहको विवरण र सो सम्बन्धि संलग्न अनुुसूचिहरु माथि छलफल सहित पारित भएको छ । साधारण सभाबाट आर्थिक वर्ष २०८२/०८३ को लागि लेखापरिक्षकको नियुक्ती तथा निजको पारिश्रमिक निर्धारण गर्ने सम्बन्धि प्रस्ताव समेत पारित भएको कम्पनीले जनाएको छ ।
प्रतिक्रिया दिनुहोस्