काठमाडौं । नेपाली बजारमा आज सुनको मूल्य बढ्दा चाँदीको भाउ घटेको छ।
बुधबार तोलामा आठ सय रूपैयाँ बढेको सुनको मूल्य बिहीबार प्रतितोला चार सय रूपैयाँले बढेको हो। नेपाल सुनचाँदी व्यवसायी महासंघका अनुसार आज एक तोला सुन दुई लाख ८५ हजार दुई सय रूपैयाँ निधाएरण भएको छ । अघिल्लो कारोबार दिन (बुधबार) सुन प्रतितोला दुई लाख ८४ हजार आठ सय रूपैयाँमा खरिदबिक्री भएको थियो।
यस्तै, बिहीबार चाँदीको मूल्य भने घटेको छ। बिहीबार एक तोला चाँदी चार हजार तीन सय २५ रूपैयाँमा कारोबार भइरहेको महासंघले जनाएको छ। बुधबार चाँदी तोलामा चार हजार चार सय १५ रूपैयाँमा कारोबार भएको थियो । चाँदीको मूल्य अघिल्लो दिनको तुलनामा प्रतितोला ९० रूपैयाँ घटेको हो।
अन्तर्राष्ट्रिय बजारमा आज सुन प्रतिऔंस ४ हजार ३० अमेरिकी डलरमा कारोबार भइरहेको छ।
प्रतिक्रिया दिनुहोस्