काठमाडौं । अल्ट्राभोइटलेको आधिकारीक वितरक केडिया समूहले काठमाडौं देखि ककनीसम्म अल्ट्राभोइलेट राइड आयोजना गर्ने भएको छ ।
कम्पनीले यहीँ शनिबार (चैत ३०) गते काठमाडौं देखि ककनीसम्मको अल्ट्राभोइलेटसँगै अन्य २५० सीसी माथिको जुनसुकै कम्पनीको बाइकलाई समेत सहभागी गराउने गरी एक दिने बाइक राइड आयोजना गर्न लागेको जनाएको छ ।
अफरोड र अनरोड दुवैको अनुभवका लागि टेस्ट राइड आयोजना गरेको कम्पनीले जनाएको छ । साथै, अल्ट्राभोइलेट राइडमा २५० सीसीमाथिका बाइक धनीले समेत राइडमा सहभागिता जनाउन सक्ने छन् भने बाइक र प्रेट्रोल बाहेक अन्य खर्च कम्पनीको हुने केडिया अर्गनाइजेसन का बिजनेश हेड नवराज कोइरालाले जानकारी दिए ।
अल्ट्राभोइलेट एफ ७७ को मूल्य १०लाख ७५ हजार रुपैयाँ रहेको छ ।
एफ ७७ माक टूमा २७–३० किलोवाट पीक पावर क्षमताको मोटर छ । यसमा १०.३ किलोवाट आवरको लिथियम आयोन ब्याट्री उपलब्ध छ । यसलाई एकपटकको फुलचार्जमा ३२३ किलोमिटरसम्म गुडाउन सकिने कम्पनीको दाबी छ । यसले डिसी फास्ट चार्जर समेत सर्पोट गर्छ । यस्तै कम्पनीले ८ लाख किलोमिटर ब्याट्रीमा वारेन्टीसमेत दिएको छ ।
यसमा स्टयान्ड सेन्सर, हिल होल्ड, ट्रायाक्सन कन्ट्रोल, मनो डूयुल च्यानल एबिएस, डाइनामिक स्टयाबिलिटि कन्ट्रोल डिस्क ब्रेक, एलइडी डिस्प्ले, राइड मोड, एलइडी हेड लाइट्स जस्ता विशेषता रहेका छन् ।
यो राइडमा सहभागी हुन चाहनेले अनलाइन बाट फर्म भर्नुपर्नेछ र कल मार्फत पनि पुर्व जानकारी गराएर सहभागी हुन सक्नेछन् ।
प्रतिक्रिया दिनुहोस्