काठमाडाैं। साताको पहिलो दिन आइतबार नेप्से परिसूचक २६ सय विन्दुमा उक्लिएको छ । नेप्से परिसूचक ३९.९२ अंकले बढेर उक्त विन्दुमा पुगेको हो । नेप्से सूचक बढेसँगै कारोबार रकम पनि बढेको छ । धितोपत्र र ऋणपत्रगरी कारोबारमा आएका ३३४ कम्पनीको १ करोड ३३ लाख ८१ हजार कित्ता शेयर किनबेचहुँदा ६ अर्ब २८ करोड ६७ लाख रुपैयाँको कारोबार भएको छ ।
सर्वाधिक कारोबार हुने कम्पनीमा एनआरएन इन्फाष्ट्रचर, पिपुल्स हाइड्रो पावर कम्पनी, राधि विद्युत कम्पनी र नेपाल रिइन्स्योरेन्स कम्पनीको १७ करोड १२ लाख रुपैयाँको कारोबार भएको छ ।
यो दिन सागर डिस्टिलरी,बन्दीपुर केबलकार एण्ड टुरिजम, झापा इनर्जी र स्वतिक लघुवित्त वित्तीय संस्थाको ८.१९ प्रतिशतले बढेको छ । यो दिन पिपुल्स हाइड्रो पावर कम्पनी, मोदी इनर्जी, सप्तकोशी डेभलपमेन्ट बैंक, सिन्धु विकास बैंक र धौलागिरी लघुवित्त वित्तीय संस्थाको ३.९८ प्रतिशतदेखि ७.६५ प्रतिशतसम्मले घटेको छ।
प्रतिक्रिया दिनुहोस्