काठमाडौं । प्रभु महालक्ष्मी लाइफ इन्स्योरेन्स लिमिटेडले वित्तीय परामर्शदाताहरुको अन्तराष्ट्रिय फोरम मिलियन डलर राउन्ड टेबल (एमडिआरटी) २०२६ का लागि छनोट भएका अभिकर्ताहरुलाई सम्मान गरेको छ ।
कम्पनीका प्रमुख कार्यकारी अधिकृत सन्तोष प्रसाईले उद्घाटन कार्यक्रममा सम्बोधन गर्दै एमडिआरटी बन्न सफल सदस्यहरुलाई बधाइ दिए । उनले भने, ‘तपाईंहरुको मेहनतले पाएको सफलतामा प्रभु महालक्ष्मी लाइफ इन्स्योरेन्सको सधैँ साथ–सहयोग रहन्छ र उच्च सम्मान प्रकट गर्दछ । एमडिआरटी जस्तो अन्तराष्ट्रिय फोरममा छनोट हुनु आफैँमा गौरवको विषय हो । हामी अभिकर्ताहरुलाई आगामी वर्षहरुमा पनि निरन्तर सफलताको शुभकामना व्यक्त गर्दछौं।’
यस्तै उनले अभिकर्ताहरुलाई उनीहरुको योग्यताको पहिचान नै आफूले गर्ने कामले दिलाउने सफलता भएको उल्लेख गरे । कम्पनी नायव महाप्रबन्धक एवं नेशनल सेल्स हेड सोन बहादुर मगरले पनि एमडिआरटिमा छनोट भएकालाई पेसाले दिएको मान सम्मानको एक उत्कृष्ट उदाहरण भएको धारणा राखे ।
कार्यक्रममा अन्तराष्ट्रिय ट्रेनर अमित शर्माले अभिकर्ताहरुलाई व्यवसायीक बिक्री कलाको क्षमता अभिवृद्धि सम्बन्धी तालिम दिएको कम्पनीले जनाएको छ । रुपन्देहीको भैरहवामा माघ ७ देखि ९ गतेसम्म ३ दिन सञ्चालन भएको कार्यक्रममा चर्चित हास्यव्यङ्ग्य कलाकार सन्दिप क्षत्रीले प्रेरणदायी तथा मनोरञ्जनात्मक प्रस्तुती दिएका थिए ।
प्रतिक्रिया दिनुहोस्