कर्पोरेट समाचार 
काठमाडौं । सिन्धुपाल्चोकको बाह्रबिसेमा निर्माणाधिन ४६ मेगावाट क्षमताको भोटेकोशी–५ जलविद्युत आयोजनाले स्थानीय बासिन्दालाई प्रमोटर शेयर (संस्थापक शेयर) दिने भएको छ।
आयोजना प्रभावित क्षेत्रका बासिन्दाको आर्थिक हितलाई मध्यनजर गर्दै कम्पनीले संस्थापक शेयर दिने निर्णय लिएको जनाएको हो । आयोजनाका कार्यकारी अध्यक्ष मोहनविक्रम कार्कीका अनुसार, प्रभावित क्षेत्रका बासिन्दाले सहज रूपमा लगानी गर्न सक्ने गरी शेयर संरचनाको तयारी भइरहेको छ।
साधारण शेयर (आइपीओ) आउनुभन्दा अगाडि नै स्थानीयलाई प्रमोटरका रूपमा समेट्दा उनीहरूले दीर्घकालीन रूपमा बढी लाभ लिन सक्ने कार्कीको विश्वास छ। बाह्रबिसे नगरपालिकाको वडा नम्वर ३,४,५,८ र ९ र त्रिपुरासुन्दरीको ३ नम्वर वडाका प्रत्यक्ष प्रभावितमा स्थानीयले ७० प्रतिशत काम सम्पन्न भएपछि प्रमोट शेयर वापतको रकम जम्मा गर्न पाउने छन्।
आयोजना सञ्चालनमा आएपछि स्थानीय जनता लाभांशकर्ताको रूपमा पनि लाभान्वित हुनेछन्।
प्रतिक्रिया दिनुहोस्