कर्पोरेट समाचार 
काठमाडौं । ओमोडा एन्ड जेइकोले नेपालकै प्रतिष्ठित क्रिकेट लिग ‘नेपाल प्रिमियर लिग (एनपीएल) को दोस्रो संस्करणमा ‘ड्रिभन बाइ’ पार्टनरका रूपमा सहकार्य गर्ने भएको छ ।
नेपाली खेल समुदायसँग आफ्नो सम्बन्धलाई अझ मजबुत बनाउँदै, ओमोडा एन्ड जेइकोले एनपीएल सिजन–२ को ‘म्यान अफ द टुर्नामेन्ट’ लाई ब्रान्डको एक प्रिमियम गाडी उपहार दिने घोषणा गरेको हो। यसअघिको पहिलो संस्करणमा पनि ओमोडा एन्ड जेइकोले ‘ड्रिभन बाइ’ सह–प्रायोजकको रूपमा सहकार्य गरेको थियो ।
देशकै लोकप्रिय क्रिकेट प्रतियोगिता एनपीएलले देशभरका क्रिकेटप्रेमीहरूलाई एकजुट गर्दै खेलप्रति विशेष उत्साह जगाउने तथा राष्ट्रको गौरव बढाउने कार्य गर्दै आएको छ । ओमोडा एन्ड जेइको र नेपाल प्रिमियर लिग दुवैले ‘उत्कृष्ट पर्फमेन्स, लगाव तथा इनोभेसन’को दृष्टिकोणलाई बढावा दिन उक्त सहकार्य भएको एसपिजि अटोमोबाइल्सले जनाएको छ ।
एसपिजि अटोमोबाइल्स प्रा.लि.का निर्देशक गौरव शारडाले सहकार्यले युवालाई खेलकुदसँग जोड्न प्रोत्साहन पुर्याउने बताए । उनले भने, ‘ओमोडा एन्ड जेइको ब्रान्डहरूले उत्साह, प्रदर्शन र उत्कृष्टताको भावना बोकेका छन्, जुन नेपाली क्रिकेट तथा नेपाली क्रिकेटप्रेमीहरूसँग स्वाभाविक रूपमा जोडिन्छ। यो साझेदारीमार्फत हामी खेलकुदप्रतिको उत्साहजनक मोह र ऊर्जालाई बढावा दिँदै, नेपाली युवाहरूलाई खेलसँग निरन्तर जोडिन प्रोत्साहित गर्न चाहन्छौँ ।’
यस्तै, एनपीएल सिजन २ मा ‘ड्रिभन बाइ’ पार्टनरका रूपमा रहेको ओमोडा एन्ड जेइकोले उत्साह बढाउन खेल मैदान बाहिर फ्यान इन्गेजमेन्ट जोन र विशेष गाडी प्रदर्शनहरूमार्फत दर्शकहरूको अनुभवलाई अझ रोचक बनाउने जनाएको छ । ओमोडा एन्ड जेइकोले मैदानमा दोस्रो संस्करणमा उत्कृष्ट प्रदर्शन गर्ने एक खेलाडी ‘म्यान अफ द टुर्नामेन्ट’ लाई ब्रान्डको प्रिमियम गाडी प्रदान गर्नेछ ।
यो साझेदारीले नेपालको अटोमोटिभ क्षेत्रमा ओमोडा र जेइकोको बढ्दो उपस्थितिसँगै खेलकुद, युवा र समुदायप्रतिको प्रतिवद्धतालाई पनि अझ सुदृढ बनाएको कम्पनीके भनाइ छ ।
प्रतिक्रिया दिनुहोस्