काठमाडौं । सिटिजन लाइफ इन्स्योरेन्स कम्पनीले शेयरधनिलाई २० प्रतिशत नगद लाभांश दिने भएको छ । कम्पनी सञ्चालक समितिको मंसिर २६ गते बसेको बैठकले आउने पुस १८ गते नक्साल भाटभटेनी नजिकै एक वैक्वेटमा आफ्नो नवौं वार्षिक साधारण सभा आह्वान गर्दै लाभांश प्रस्ताव गरेको हो ।
कम्पनीले गत आर्थिक वर्षको नाफाबाट हाल कायम चुक्तापुँजीको २० प्रतिशत बराबर हुन आउने १ अर्ब रुपैयाँ नगद लाभांश (करसहित) वितरण गर्ने प्रस्ताव गरेको छ । जुन नवांै साधारण सभामा पारित हुनेछ।
यस्तै, सभामा वार्षिक प्रतिवेदनको आर्थिक वर्षका विवरणहरू, बाह्य लेखापरीक्षकको नियुक्ति र पारिश्रमिक निर्धारण,लेखापरीक्षकको प्रतिवेदन, नाफा (नोक्सान विवरण, इक्विटी परिवर्तन लगायतका आर्थिक तथा वित्तीय प्रतिवेदनहरु पनि पारित गर्ने कम्पनीले जनाएको छ ।
लाभांश वितरण र साधारण सभाका लागि कम्पनीले पुस ८ गते एक दिन बुक क्लोज गर्ने निर्णय गरेको छ। पुस ७ गतेसम्म नेप्सेमा कारोबार कायम भएका शेयरधनीले उक्त लाभांश पाउनेछन् ।
प्रतिक्रिया दिनुहोस्