काठमाडौं । नेपाली बजारमा आज सुनको भाउ घट्दा चाँदीको मोल बढेको छ।
मंगलबार तोलामा १३ सय रूपैयाँले घटेको सुन आज पुनः एक हजार रूपैयाँ घटेको हो। नेपाल सुनचाँदी व्यवसायी महासंघका अनुसार आज सुन तोलाको दुई लाख ९० हजार पाँच सय रूपैयाँ तोकिएको छ।
अघिल्लो कारोबार दिन (मंगलबार) सुन प्रतितोला दुई लाख ९१ हजार पाँच सय रूपैयाँमा खरिदबिक्री भएको थियो।
यस्तै, बुधबार चाँदीको मूल्य प्रतितोला २० रुपैयाँले बढेको छ। मंगलबार एक तोला चाँदी पाँच हजार ६० रूपैयाँमा कारोबार भएकोमा आज तोलामा पाँच हजार ८० रूपैयाँमा किनबेच भइरहेको छ।
अन्तर्राष्ट्रिय बजारमा आज सुन प्रतिऔंस चार हजार पाँच सय ११ अमेरिकी डलरमा कारोबार भइरहेको छ।
प्रतिक्रिया दिनुहोस्