काठमाडौं । रिलायबल भेञ्चर क्यापिटल लिमिटेडले साढे ६ करोड रुपैयाँ बराबरको संस्थापक शेयर बिक्रीमा ल्याएको छ।
कम्पनीका अनुसार संस्थापक शेयरधनीबाट शेयर बिक्रीका लागि निवेदन प्राप्त भएपछि ५ लाख २५ हजार कित्ता संस्थापक शेयर बिक्री प्रक्रिया सुरु गरिएको हो।
उक्त शेयरको न्यूनतम मूल्य प्रतिकित्ता १२६ रुपैयाँ १ पैसा निर्धारण गरिएको छ। कम्पनीकाअनुसार बिक्रीमा राखिएको शेयरको कुल मूल्य ६ करोड ६१ लाख ५५ हजार २५० रुपैयाँ बराबर रहेको छ।बिक्रीमा राखिएको शेयर खरिद गर्ने पहिलो अधिकार हालका संस्थापक शेयरधनीहरूलाई दिइएको छ। इच्छुक संस्थापक शेयरधनीहरूले कम्पनीबाट १०० रुपैयाँ तिरेर आवेदन फारम खरिद गर्नुपर्नेछ ।
कम्पनीले तोकिएको अवधिभित्र विद्यमान संस्थापक शेयरधनीहरूबाट आवेदन नपरेमा बाँकी शेयर संस्थापकबाहेक अन्य लगानीकर्तालाई बिक्री गर्ने जनाएको छ।















प्रतिक्रिया दिनुहोस्