काठमाडौं। नेपाली बजारमा शुक्रबार पनि सुनचाँदीको भाउ महँगिएको छ।
बिहीबार एकैदिन प्रतितोला ९ हजार ३०० रूपैयाँले बढेको सुन आज पुनः ३ हजार ३०० रुपैयाँले वृद्धि भएको हो ।
मूल्य बढेसँगै आज एक तोला सुन खरिद गर्न ग्राहकले ३ लाख १६ हजार ७०० रूपैयाँ बुझाउनुपर्नेछ। अघिल्लो कारोबार दिन (बिहीबार) सुन प्रतितोला ३ लाख १३ हजार ४०० रूपैयाँमा किनबेच भएको थियो। बुधबार भने सुन प्रतितोला ३ लाख चार हजार एक सय रूपैयाँमा खरिदबिक्री भएको थियो। बुधबार प्रतितोला दुई हजार सात सय रूपैयाँ घटेको थियो । यस्तै, मंगलबार सुनको मोल तोलामा ३ लाख ६ हजार ८०० रुपैयाँमा कारोबार भएको थियो। यो सँगै पछिल्लो दुई कारोबार दिनमै सुनको भाउ तोलामा १२ हजार ६०० रुपैयाँले बढेको छ ।
नेपाल सुनचाँदी व्यवसायी महासंघका अनुसार चाँदीको मूल्य पनि उकालो लागेको छ। बिहीबार तोलामा ६० रुपैयाँले बढेर चार हजार आठ सय ५५ रूपैयाँमा किनबेच भएको चाँदी शुक्रबार चार हजार ९८५ रुपैयाँमा खरिदबिक्री भैरहेको छ । यो मूल्य अघिल्लो कारोबार दिनको तुलनामा प्रतितोला १३० रुपैयाँले बढी हो । बुधबार चाँदी प्रतितोला चार हजार पाँच सय ९५ रूपैयाँमा कारोबार भएको थियो ।
अन्तर्राष्ट्रिय बजारमा आज सुन प्रतिऔंस चार हजार पाँच सय ३७ अमेरिकी डलरमा कारोबार भइरहेको छ।















प्रतिक्रिया दिनुहोस्