काठमाडौं । भोटेकोसी नदी प्रणालीमा आएको विनाशकारी बाढीबाट प्रभावित नागरिकको राहत तथा उद्धारका लागि काठमाडौं सुन्धारास्थित धवलागिरि बचत तथा ऋण सहकारी संस्थाले प्रधानमन्त्री दैवी प्रकोप उद्धार कोषमा ५ लाख १७ हजार ५ सय रुपैयाँ सहयोग गरेको छ।
सहकारीका अनुसार कुल सहयोग रकममध्ये ५ लाख रुपैयाँ संस्थाको तर्फबाट र बाँकी १७ हजार ५ सय रुपैयाँ संस्थाका सञ्चालकको तर्फबाट जम्मा गरिएको जनाएको छ।
सहकारीले विपद्को यस घडीमा प्रभावित नागरिकको सहयोग र पुनःस्थापनाका लागि सबै पक्षबाट आवश्यक सहयोग जुट्नुपर्नेमा जोड दिएको छ।
प्रतिक्रिया दिनुहोस्