Advertisement
Advertisement
Corporate Samachar
२९ कार्तिक २०८३, आईतवार
Advertisement
Advertisement

एसियन लाइफको जीवन बीमा कोष ५४ अर्ब माथि, नाफा पनि बढ्यो

एसियन लाइफको जीवन बीमा कोष ५४ अर्ब माथि, नाफा पनि बढ्यो
विज्ञापन
Advertisement

काठमाडौं । एसियन लाइफ इन्स्योरेन्स कम्पनी लिमिटेडले चालु आर्थिक वर्ष २०८३/८४ को पहिलो त्रैमासमा खुद नाफासहित बीमाशुल्क आर्जन र जीवन बीमा कोषमा वृद्धि गरेको छ ।

विज्ञापन
Advertisement
Advertisement

कम्पनीले सार्वजनिक गरेको अपरिष्कृत वित्तीय विवरणअनुसार असोज मसान्तसम्ममा १६ करोड १३ लाख रुपैयाँ खुद नाफा आर्जन गरेको हो । गत आर्थिक वर्ष २०८२/८३ को सोही अवधिमा कम्पनीले १५ करोड २५ लाख रुपैयाँ खुद नाफा कमाएको थियो । यसअनुसार समीक्षा अवधिमा कम्पनीको खुद नाफा ५.७९ प्रतिशतले बढेको हो ।

कम्पनीको बीमा व्यवसायमा समेत विस्तार देखिएको छ । समीक्षा अवधिमा कम्पनीले २ अर्ब ८३ करोड ८० लाख रुपैयाँ कुल बीमाशुल्क आर्जन गरेको छ । गत आर्थिक वर्षको पहिलो त्रैमासमा यस्तो आर्जन २ अर्ब ३२ करोड ३३ लाख रुपैयाँ रहेको थियो । त्यस्तै, कम्पनीको खुद बीमाशुल्क आर्जन २१.३७ प्रतिशतले वृद्धि भई २ अर्ब ७७ करोड २२ लाख रुपैयाँ पुगेको छ । गत वर्षको सोही अवधिमा कम्पनीले २ अर्ब २८ करोड ४० लाख रुपैयाँ खुद बीमाशुल्क आर्जन गरेको थियो ।

कम्पनीको दीर्घकालीन वित्तीय आधारका रूपमा रहेको जीवन बीमा कोषको आकार पनि विस्तार भएको छ । असोज मसान्तसम्ममा कम्पनीको जीवन बीमा कोष ५४ अर्ब ४९ करोड ३६ लाख रुपैयाँ पुगेको छ । गत आर्थिक वर्षको सोही अवधिमा यस्तो कोष ४८ अर्ब ४८ करोड ५२ लाख रुपैयाँ रहेको थियो । यसअनुसार जीवन बीमा कोष १२.३९ प्रतिशतले बढेको हो । कम्पनीको चुक्ता पुँजी ५ अर्ब २५ करोड १२ लाख रुपैयाँ रहेको छ । समीक्षा अवधिसम्म कम्पनीको महाविपत्ति कोषमा ३४ करोड ५० लाख रुपैयाँ, रिटेन्ड अर्निङमा ६७ करोड ३ लाख रुपैयाँ र अन्य इक्विटीमा ८ करोड ४० लाख रुपैयाँ सञ्चित रहेको उल्लेख छ । त्यस्तै, शेयर प्रिमियममा १० करोड ९९ लाख रुपैयाँ रहेको छ ।

वित्तीय सूचकतर्फ कम्पनीको वार्षिकीकृत प्रतिशेयर आम्दानी (ईपीएस) १२ रुपैयाँ २९ पैसा पुगेको छ। गत आर्थिक वर्षको सोही अवधिमा यस्तो आम्दानी ११ रुपैयाँ ६२ पैसा रहेको थियो । कम्पनीको प्रतिशेयर नेटवर्थ १२३ रुपैयाँ ०३ पैसा र मूल्य आम्दानी अनुपात ३५.४७ गुणा रहेको छ ।

साझा: Facebook X WhatsApp Telegram
कर्पोरेट समाचार

कर्पोरेट समाचार

सबै लेख हेर्नुहोस्
विज्ञापन
Advertisement
Advertisement

Powered By: Nectar Digit