Advertisement
Advertisement
Corporate Samachar
२९ कार्तिक २०८३, आईतवार
Advertisement
Advertisement

रिलायबल नेपाल लाइफको नाफा घट्दा जीवन बीमा कोषमा ३५ प्रतिशतको वृद्धि

रिलायबल नेपाल लाइफको नाफा घट्दा जीवन बीमा कोषमा ३५ प्रतिशतको वृद्धि
विज्ञापन
Advertisement

काठमाडौं। रिलायबल नेपाल लाइफ इन्स्योरेन्स कम्पनीको जीवन बीमा कोष र बीमाशुल्क आर्जनमा उल्लेख्य वृद्धि देखिएको छ । तर, बीमा व्यवसाय विस्तार र कोषको आकार बढे पनि कम्पनीको खुद नाफा भने घटेको छ ।

विज्ञापन
Advertisement
Advertisement

कम्पनीले सार्वजनिक गरेको चालु आर्थिक वर्ष २०८३/८४ को पहिलो त्रैमासिक अपरिष्कृत वित्तीय विवरणअनुसार असोज मसान्तसम्ममा जीवन बीमा कोषको आकार १९ अर्ब ४० करोड ९५ लाख रुपैयाँ पुगेको छ । गत आर्थिक वर्षको सोही अवधिमा कम्पनीको जीवन बीमा कोषमा १४ अर्ब ३१ करोड २३ लाख रुपैयाँ थियो । यसअनुसार एक वर्षको अवधिमा कोषको आकार ३५.६१ प्रतिशतले बढेको हो ।

जीवन बीमा कोषमा उल्लेख्य वृद्धि भए पनि कम्पनीको खुद नाफामा भने संकुचन आएको छ। समीक्षा अवधिमा कम्पनीले २२ करोड ९० लाख रुपैयाँ खुद नाफा आर्जन गरेको छ । गत आर्थिक वर्षको पहिलो त्रैमासमा कम्पनीले २५ करोड ८५ लाख रुपैयाँ खुद नाफा कमाएको थियो । यसअनुसार कम्पनीको नाफा ११.३९ प्रतिशतले घटेको हो । यता, कम्पनीको बीमा व्यवसायमा भने विस्तार देखिएको छ। चालु आर्थिक वर्षको पहिलो तीन महिनामा कम्पनीले १ अर्ब ८६ करोड २७ लाख रुपैयाँ कुल बीमाशुल्क आर्जन गरेको छ । गत आर्थिक वर्षको सोही अवधिमा यस्तो आर्जन १ अर्ब ५१ करोड ३७ लाख रुपैयाँ रहेको थियो । यससँगै कम्पनीको कुल बीमाशुल्क आर्जन २३।०६ प्रतिशतले बढेको छ ।

त्यस्तै, कम्पनीको खुद बीमाशुल्क आर्जन पनि २३.८५ प्रतिशतले वृद्धि भएको छ । गत आर्थिक वर्षको पहिलो त्रैमासमा १ अर्ब ४२ करोड ९४ लाख रुपैयाँ खुद बीमाशुल्क आर्जन गरेको कम्पनीले चालु आर्थिक वर्षको सोही अवधिमा १ अर्ब ७७ करोड ४ लाख रुपैयाँ संकलन गरेको छ । कम्पनीको चुक्ता पुँजी ५ अर्ब १९ करोड ६८ लाख रुपैयाँ रहेको छ । समीक्षा अवधिसम्म कम्पनीको महाविपत्ति कोषमा ३१ करोड ३ लाख रुपैयाँ सञ्चित छ । त्यस्तै, रिटेन्ड अर्निङमा १ अर्ब १ करोड ७३ लाख रुपैयाँ र अन्य इक्विटीमा ६३ लाख १४ हजार रुपैयाँ रहेको छ । समग्रमा रिलायबल नेपाल लाइफको पहिलो त्रैमासिक वित्तीय विवरणमा बीमा व्यवसाय विस्तार, बीमाशुल्क आर्जन र जीवन बीमा कोषको आकारमा सकारात्मक सुधार देखिएको छ ।

साझा: Facebook X WhatsApp Telegram
कर्पोरेट समाचार

कर्पोरेट समाचार

सबै लेख हेर्नुहोस्
विज्ञापन
Advertisement
Advertisement

Powered By: Nectar Digit