काठमाडौं। सिटिजन लाइफ इन्स्योरेन्स कम्पनी लिमिटेडको प्रमुख कार्यकारी अधिकृत (सीईओ) मा पोषक राज पौडेल तेस्रो कार्यकालका लागि चयन भएका छन् ।
कम्पनीको मंसिर १९ गते (शुक्रबार) बसेको सञ्चालक समिति बैठकले पौडेललाई तेस्रो कार्यकालको लागि पुनः सीईओमा नियुक्त गरेको हो ।
उनको दोस्रो कार्यकाल पुस मसान्तबाट पूरा हुँदै छ । त्यसैले पुस ३० गतेदेखि लागू हुने गरी पौडेललाई तेस्रो कार्यकालको लागि पुनः नियुक्त गरिएको कम्पनीले जनाएको छ ।
बीमा तथा वित्तीय क्षेत्रमा तीन दशकभन्दा बढी समय काम गरिसकेका पौडेल यसअघि सिटिजन्स लाइफमा २०७४ सालमा सीईओ नियुक्त भएका थिए।
प्रतिक्रिया दिनुहोस्