कर्पोरेट समाचार 
काठमाडौं । एनएमबि लघुवित्त वित्तीय संस्था लिमिटेडको प्रमुख कार्यकारी अधिकृत (सीईओ) मा सजल खड्का नियुक्त भएका छन् ।
संस्थाको वैशाख २२ गते बसेको सञ्चालक समितिको बैठकले खड्कालाई आगामी चार वर्षका लागि सो पदमा नियुक्त गर्ने निर्णय गरेको हो। नवनियुक्त सीईओ खड्काको नियुक्ति सोही दिनबाटै लागू भइसकेको कम्पनीले जनाएको छ।
वित्तीय तथा बैंकिङ क्षेत्रमा लामो समय काम गरेको अनुभव रहेको खड्कासँग उनको नेतृत्वमा संस्थाको सेवा विस्तार, वित्तीय सुदृढीकरण र रणनीतिक विकासले नयाँ उचाइ लिने विश्वास कम्पनीको छ ।
एनएमबि लघुवित्तले ग्रामीण तथा दुर्गम क्षेत्रका ग्राहकलाई लक्षित गरि वित्तीय पहुँच विस्तार गर्दै आएको छ । नयाँ नेतृत्वसँगै संस्थाले प्रविधिमैत्री सेवा, ऋण प्रवाह व्यवस्थापन तथा समग्र संस्थागत सुशासनलाई अझ सुदृढ बनाउने अपेक्षा गरिएको छ ।
प्रतिक्रिया दिनुहोस्