काठमाडाैं । साताको विहीबार आइपुग्दा शेयर बजार घट्ने क्रम जारी छ । यो दिने नेप्से परिसूचक पाँच दशमलव ७३ अंकले घटेर दुई हजार ७३८.७२ विन्दुमा आइपुगेको छ । नेप्से परिसूचक घटेसँगै कारोबार रकम पनि घटेको छ । धितोपत्र र ऋणपगरी यो दिन ३४६ कम्पनीले कारोबार गर्दा चार अर्ब ९१ करोड ६६ लाख रुपैयाँको कारोबार भएको छ ।
सर्वाधिक कारोबार हुने कम्पनीमा रिलायन्स स्पेनिङ मिल्स,आँखुखोला जलविद्युत कम्पनी, नेशनल हाइड्रो पावर कम्पनी, शिवम् सिमेन्ट, एनआरएन इन्फाष्ट्रचर डेभलपमेन्ट लिमिटेडको १५ करोड ४२ लाख रुपैयाँदेखि २६ करोड ७५ लाख रुपैयाँसम्मको कारोबार भएको छ ।
घटेको बजारमा पनि श्रीनगर एग्रिटिज इन्ड्रटिज, शिखर पावर डेभलपमेन्ट, एशियन हाइड्रो पावर,रिभरफल्स लिमिटेड,एसवाई प्यानृल कम्पनीको ३.८१ प्रतिशतदेखि १२.५७ प्रतिशतसम्मले बढेको छ ।
त्यस्तै घटेको बजारमा कर्पोरेट डेभलपमेन्ट बैंक, माईखोला हाइड्रोपावर, नबिल बैंकको ऋणपत्र, एनआईसी एशिया ग्राेथ फण्ड,सोलु हाइड्रोपावरको शेयर मूल्य ४.१८ प्रतिशतदेखि १०.३८ प्रतिशतसम्मले घटेको छ ।
प्रतिक्रिया दिनुहोस्