काठमाडौं । रिलायन्स फाइनान्स लिमिटेड र धुलिखेलस्थित धुलिखेल लज रिसोर्टबीच सेवा शुल्कमा छुट प्रदान गर्ने सम्झौता भएको छ । ग्राहकलाई थप सुविधा र सहुलियत दिने उद्देश्यले दुई संस्थाबीच उक्त सम्झौतापत्रमा हस्ताक्षर भएको हो ।
सम्झौताअनुसार रिलायन्स फाइनान्सका ग्राहक तथा कर्मचारीहरूले धुलिखेल लज रिसोर्टको सेवामा अधिकतम २० प्रतिशतसम्म छुट पाउनेछन् । यो छुट मुख्यतया खाना तथा पेय पदार्थ र बासस्थान जस्ता सुविधाहरूमा लागू हुनेछ । फाइनान्सले आफ्ना ग्राहकहरूको सुविधा र मनोरञ्जनलाई ध्यानमा राख्दै यस्तो सहकार्य गरेको जनाएको छ ।
रिलायन्स फाइनान्सले आफ्ना ग्राहकहरूका लागि विभिन्न समयमा यस्ता सहुलियतपूर्ण योजनाहरू ल्याउँदै आएको छ । यसअघि फाइनान्सले ट्रान्क्विलिटी स्पासँग पनि सहकार्य गरेको थियो, जसअन्तर्गत ग्राहकहरूले व्यक्तिगत स्पा तथा सौन्दर्य सेवामा २५ प्रतिशतसम्म छुट प्राप्त गर्दै आएका छन् ।
हाल रिलायन्स फाइनान्सले देशभर आफ्ना २१ वटा शाखाहरू मार्फत अत्याधुनिक बैंकिङ सेवा प्रदान गर्दै आइरहेको छ ।
प्रतिक्रिया दिनुहोस्